May all beings have happiness and the cause of happiness.

ယေဓမ္မာ ဟေတုပ္ပဘဝါ တေသံ ဟေတုံ တထာဂတော အာဟ။ တေသဉ္စ ယောနိရောဓေါ ဧဝံ ဝါဒီ မဟာသမဏော။ ( အရှင်အဿဇိမထေရ် ) ယေဓမ္မာ - အကြင်အကျိုးတရား "ဒုက္ခသစ္စာ" တို့သည် ဟေတုပ္ပဘဝါ - အကြောင်းတရား တဏှာဟူသော "သမုဒယသစ္စာ" တို့ကို အခြေခံကာ ဖြစ်ပေါ်၍ လာကြကုန်၏။ တေသံ - ထိုအကျိုးတရားတို့၏ ဟေတုံ - အကြောင်းစစ် အကြောင်းမှန်ကို တထာဂတော - မြတ်စွာဘုရားသည် အာဟ - ဟောတော်မူ၏ ။ တေသဉ္စ - ထိုအလုံးစုံသော တရားတို့၏ နိရောဓော - အကြောင်း (သမုဒယသစ္စာ) တရားတို့၏ ချုပ်ငြိမ်းရာ "နိရောဓသစ္စာ"၊ ချုပ်ငြိမ်းကြောင်း "မဂ္ဂသစ္စာ" ကိုလည်း တထာဂတော - မြတ်စွာဘုရားသည် အာဟ - ဟောတော်မူ၏ ။ မဟာသမဏော - ရဟန်းမြတ်ဖြစ်တော်မူသော မြတ်စွာဘုရားရှင်သည် ဧဝံ ဝါဒီ - ဤသို့ အယူရှိတော်မူ၏။ အရှင်အဿဇိ ရဟန္တာအရှင်မြတ်

~ တက္ကသီလာ ပုရဝဏ်မှာ ပညာနို့ရည် သောက်စို့နေရင်း  သူငယ်ချင်းလေး ပျော်ပျော်ရွှင်ရွှင် စာသင် နေတာကို မြင်ရ ကြားရ တွေ့ရ ပြန်တော့ ဝမ်းသာပီတိ ဖြစ်မိတယ်။ ~ စိန် ရွှေ ဆင်လို့ ယဉ်နေသူ မဟုတ်၊ ဣန္ဒြေလေး ဆင် ယဉ်ကျေးနေသူ တို့ သူငယ်ချင်းလေး နေ့ရက်တိုင်းမှာ ပျော်ရွှင်ပါစေ။ 《 သုတဖြိုး 》14.9.2017  Thuta PhYO

စိတ်ခံစားမှုကို ရှေ့တန်းတင် ဉာဏ်နည်းတဲ့ အတွေးအခေါ်နဲ့ အမှန် အမှားကို ဥပက္ခာပြု လျှောက်လာခဲ့တဲ့ အချစ် ခရီးလမ်း က အဆုံးသတ်ရ ခက် မြတ်နိုးခဲ့ဖူးတဲ့ မျက်ဝန်းတွေကို သတိရတိုင်း ... ဒီလမ်းကို ပြန်လျှောက်လှမ်းဖို့ ယုံကြည်ချက် တစ်ချို့ကို ပြန်အသက်သွင်းနေ လဲ မာနက ဟိုး ခပ်ဝေးဝေး တစ်နေရာက လမ်းပိတ်ထားခဲ့ တယ် ... 《 သုတဖြိုး 》11.8.2014 YGN  Thuta PhYO

ခြင်္သေ့ဆိုတာ ရဲရင့်တယ် တည်ကြည်တယ် ပြတ်သားတယ် အသံဩဇာနဲ့ ပြည့်စုံတဲ့ သဘောကို ဆောင်တယ်။ 《 သုတဖြိုး 》9.2.2013  Thuta PhYO

အဇဋာပြင် မိုးကောင်းကင်သည် စင်ကြယ်သော တိမ်တိုက်ရှိသည်လည်းဖြစ်၍ နှလုံးမွေ့လျော် ပျော်ရွှင်ဖွယ်လည်း ဖြစ်ပေ၏ မြကျောက်စီခြယ် ဆင်ယင်ဖွယ်တန်ဆာတို့ဖြင့် ကောင်းစွာပြုပြင် တန်ဆာဆင်အပ် သကဲ့သို့ အလုံးစုံသော အရပ်မျက်နှာတို့သည်လည်း ရှုချင်စဖွယ် လွန်စွာတင့်တယ်ကြကုန်၏ သခင်မ ရှိရာ တက္ကသိုလ်ပြည်သို့ နှစ်လီစက်ပန်း ကိုယ်တော်လှမ်း၍ အလည်ကြွမြန်းတော်မူရန် လျော်ကန်လျောက်ပတ် ကောင်းမြတ်သော အချိန်လည်း ဖြစ်ပေ၏။ 《 သုတဖြိုး 》5.8.2018 MDY  Thuta PhYO

ငယ်ငယ်က ဘဘုန်းကြီးပြောပြလို့ ကြားနာခဲ့ရတဲ့ ဘယ်သူမှ မကင်းပါဆိုတဲ့ သမုဒယသစ္စာ ... အတိတ်အကြောင်းပြု အဝိဇ္ဇာဦးဆောင်ကာ ယခု ပစ္စုပ္ပန်အကျိုး ရရှိခဲ့တယ် ဒုက္ခသစ္စာ ... ပစ္စုပ္ပန်အကြောင်းပြု တဏှာဦးဆောင်နေသ၍ အနာဂတ်အကျိုး ရရှိနေအုံးမယ် ဒုက္ခသစ္စာ ... ဖြစ်မှာကို ပျက်တာထက်ပို ကြောက်တယ် ... 《 သုတဖြိုး 》( အရှင်ပညာသီရိ ) 18.4.2016  Thuta PhYO